Төрсөн бол үхэх нь үнэн

Толгой нь дээрээ орших нь үнэн

Тэнгэрийн дор амьдрах нь үнэн

Толинд дүрс тусах нь үнэн

Худалд итгэвэл төөрөх нь үнэн

Хурд хэтэрвэл осолдох нь үнэн

Хатуу биет ч хугарах нь үнэн

Хаант төр ч нурах нь үнэн

Яарсан хүн даарах нь үнэн

Яруу найраг шүлэглэх нь үнэн

Ядарсан хүн зүдрэх нь үнэн

Ясгүй мах тогтохгүй нь үнэн

Хэнгэргэгүй чих сонсохгүй нь үнэн

Хэлгүй ам ярихгүй нь үнэн

Хүсэл бүхэн биелэхгүй нь үнэн

Хуруугүй гэр атгахгүй нь үнэн

Тамд шийтгэлээ амсах нь үнэн

Тоосгүй орчлон тогтохгүй нь үнэн

Төргүй нийгэм бутрах нь үнэн

Таазгүй сууц шалгүй нь үнэн

Үхэл нэгнийг тойрохгүй нь үнэн

Үнэг хүүхдийг хуурдаг нь үнэн

Үсгээр үг бүтдэг нь үнэн

Үгээр өгүүлбэр тогтдог нь үнэн

Шүлсгүй ам хатах нь үнэн

Шөлтэй хоол арвин нь үнэн

Шүтлэггүй шашин хөгжилгүй нь үнэн

Шийдгүй бодлого ч хариутай нь үнэн

Эрдэмгүй шавь сураагүй нь үнэн

Элс нүүж нурах нь үнэн

Эхээс үр төрөх нь үнэн

Эрэг газрын хязгаар нь үнэн

Мөнгөөр хайрыг авахгүй нь үнэн

Мөс халуунд гэсэх нь үнэн

Мөнх амьдрал байхгүй нь үнэн

Мохоо хутга ч дүрэх нь үнэн

Үнэн үүрд ялдаг нь үнэн

Үнэн гэж хуурдаг нь үнэн

Үнэгүй юм байхгүй нь үнэн

Үүргүй өглөө болохгүй нь үнэн

Үйл бүр үртэй нь үнэн

Үлгэр, домог сургамжтай нь үнэн

Үлэг гүрвэл устсан нь үнэн

Үүлгүй тэнгэр тунадасгүй нь үнэн

Асуулт бүхэн хариутай нь үнэн

Арвин ч гэсэн хоосрох нь үнэн

Ам алдвал баригдахгүй нь үнэн

Амь бүхэн үнэтэй нь үнэн

Зүрх бүхэн сэтгэлтэй нь үнэн

Зураг зурааснаас тогтох нь үнэн

Зовлон, жаргал ээлжлэх нь үнэн

Залуу нас богинохон нь үнэн

Гал, ус харшлах нь үнэн

Ганц амь ганцаардах нь үнэн

Гацсан ч гэсэн гарцтай нь үнэн

Гамшиг нөмөрсөн ч арилах нь үнэн